Maumau le faitau miliona ‘i le polōketi ‘a le ‘Ofisa ‘o Femalāgā’iga

‘O le si’itia ‘o tau ‘o se polōketi ‘a le Matāgāluega ‘o Femalāgā’iga, na lē mafai ai ‘e sui ‘o le ‘ōfisa ‘ona fa’ailoa pe fia tonu lava se tupe na fa’aaluina ai. 

Na tā’ua ‘i se rīpoti fa’atūma’oti, ‘e lēai ma ni fa’amanuiaga na maua mai le polōketi ‘o le Biometric Capability Upgrade (BCU), lē mautinoa fo’i pe fia tonu se tupe na fa’aaluina ai, ‘a’o le’i toe fa’ata’atia ‘ese.  Na saunoa le Minisitā ‘o Femalāgā’iga Erica Stanford, na tāofi pe nanā ma le iloa ‘e le ‘aufaigāluega fa’amatalaga mai iā te ia, fa’apea ai ma le faigāmālō talu ai ‘a le Labour, ma ‘e silia ma le 30 miliona tālā le tupe na maumau ai. 

Na fa’ailoa ‘e Stanford, ‘o le ‘ā su’esu’euina ‘e le Komesina mō ‘Au’aunaga ‘a le Mālō Sir Brian Roche ni atugaluga na lāgā mai le iloiloga.  Na aofia ‘i le rīpoti le taimi ma le tele ‘o tupe na fa’aaluina fa’atasi ai ma le taimi na toe tu’u ‘ese’eseina ai le polōketi lea ‘o le BCU mai se isi gāluega ‘e ta’ua ‘o le In-Person Enrolment.  ‘O le fitu tausaga talu ai na ‘āmataina ai ia polōketi ‘e lua ‘ina ‘ia fa’afou ai ni vāega ‘autū ‘o le polokalame ‘o le Identity Management immigration system, ‘e pei ‘o ata, tūlāgālima fa’apea ai ma fa’amaumauga fa’atēkonolosi ‘o vāega ‘e tūlaga ‘ese ma iloa gōfie ai tagata ta’ito’atasi. 

Link to RNZ (Article) by Gill Bonnet, Immigration Reporter: https://www.rnz.co.nz/news/political/598370/immigration-project-wasted-millions-finances-remain-unclear

CAPTION: The project’s unclear finances were a result of attempts to keep costs below Cabinet’s mandated limit, according to officials.
IMAGE/ATA: RNZ