Maua se tusi ‘i totonu ‘o se fale ‘i Napier, na nanā ai ‘e se tamaititi 10 tausaga le matua ‘i le 2007

‘O se liki ‘i le fā’alo ‘o le fale ‘o Rebecca Opie na faia ‘i ai se gāluega ‘i Napier, ‘ae ia maua ai se tusi na tūsia ‘i le 2007, ‘e se tamaitiiti 10 tausaga le matua sā nofo muamua ai ‘i le fale. Na tā’ua ‘e Opie, sā iai lona popōlega ‘ina ‘ua ia maua le tusi,  sā iai ona masaloga, ‘o se tusi ‘e ta’u atu iā te ia, se tino maliu ‘o i totonu ‘o le fale.

Peita’i, ‘o se tusi na tūsia ‘e se tamaititi 10-tausaga le matua ‘e igoa iā Fergus mai le 2007. ‘I nisi ‘o fa’a’upuga ‘o le tusi na ia fa’ailoa ai lona igoa, ‘o lona tinā iā Rosemary, ma le tinā ‘o lona tinā ‘iā Pauline sā nonofo muamua ‘i le fale, ma ia fa’amatalaina le lanu ma fōliga ‘o le fale ‘i le taimi na nonofo ai ma lona ‘āiga. ‘E 17 tausaga ‘o nofoia ‘e Opie le fale, ‘ae fa’ato’ā ia maua le tusi, ma sā talosaga ‘e Fergus, pē mafai ‘ona ia tūsia sana lava tusi, ma toe tu’u ‘i lalo ‘o le fola ‘o le fale, mō isi tagata fou ‘e ōmai ‘i le fale, pe ‘ā fuafua ‘e tu’ua le nofoaga.

Na maua lē na tūsia le tusi, ‘o Fergus Haywood ‘ua ‘atoa le 28 ‘o ona tausaga, ma ‘ua fuafua ‘e feiloai atu iā Opie ‘i se taimi lata mai.

ATA: 1News