Maua se tino maliu ‘i le sami ‘i Eastbourne ‘i le taeao ‘o le Aso Gafua

Na maua le tino maliu ‘o se tagata ‘i le sami ‘i le gātaifale ‘o le pitonu’u ‘o Eastbourne ‘i Lower Hutt ‘i le taeao ‘o le Aso Gafua ananafi.  Na fa’ailoa mai ‘i le līpoti ‘a leoleo ‘e fa’apea, ‘o le tagata ‘ua maliu ‘o se ali’i mā na ‘auina ane ‘i uta lona tino maliu mai le sami ‘e lata ‘i le auala ‘o le Muritai Road, ‘i Point Arthur.

Sā iloa ‘ese tasi le tino maliu ‘o lenei ali’i ‘i le sami pē tusa ‘o le toe 20 mīnute ‘i le 10 ‘i le taeao ‘o le aso Gafua mālolo ‘o le Labour Day.  Na fa’aalia mai ‘e leoleo, ‘ātonu ‘o le ‘ā ‘umi se taimi ‘o taumafaiga ‘e fa’amautūina po’o ai tonu lenei tagata, ‘ae mō le taimi nei, ‘e lēai se isi fa’amatalaga fa’aopoopo ‘e mafai ‘ona o lātou tu’uina mai.

Link to RNZ (article) translated by Lauano Ilaoa: https://www.rnz.co.nz/news/national/532094/body-found-in-water-near-eastbourne

Ata: Greater Wellington Regional Council – The leafy Lower Hutt suburb of Eastbourne sits near the south east edge of Wellington Harbour.