Maua ponāivi ‘o Yanfei Bao

‘O le fa’anaunauga ‘o se sui ‘o le pūlēgānu’u ‘a Kalaiesetete, ‘ia ‘avea le maua ‘o ponāivi po’o tōēga ‘o le tino ‘o Yanfei Bao, ‘o se tali mo se matā’upu na mafatia ai le ‘a’ai. 

‘O le taimi mulimuli lava na va’aia ai le tama’ita’i 44 tausaga ‘o Yanfei ‘a’o soifua, ‘o le Aso 19 Iūlai, ‘i se fale ‘i Hornby, lea sā fuafua ‘e fa’asino ai ‘i se tagata se fale na mana’o na te fa’atauina.  Sa gālua Yanfei ‘i se kamupanī fa’atau fale ‘i lea taimi.  ‘O le masina ‘o Oketopa ‘e fa’agasolo ai le fa’amasinoga ‘o se taule’ale’a, ‘ua mōlia ‘i lona maliu.  Na fa’ate’ia ma fa’anoanoa le ‘a’ai ma le atunu’u ‘i lea matā’upu.  ‘O ananafi lea na maua ai tōēga po’o ponaivi, ‘ua talitonu leoleo, ‘o le tino ‘o lea tinā, ma sa maua ‘i se tu’ugamau po’o se lua ‘i totonu ‘o se fa’ato’aga ‘i Greenpark. ‘E tele māsina ‘o fa’agāsolo su’esu’ega ‘a leoleo ‘i le vaitūloto ‘o le Lake Ellesmere ma tafatafa ane.

Link to 1News (Article) translated by Savelina Kasiano: https://www.1news.co.nz/2024/07/30/yanfei-bao-human-remains-found-in-shallow-grave-police-say/

ATA: 1News.