Maua ni fa’aputuga tetele ‘o otaota ‘e faigatā ‘ona liu suāvai, ‘i totonu ‘o ‘ōgāpaipa ‘e fa’atafe ‘i ai suāvai leaga

‘E tetelē ni fa’aputuga po’o tā’aiga ‘ua fili fa’atasi ai otaota ‘i totonu ‘o fa’atāfega ‘o suāvai leaga ‘i Napier ‘i le māsina nei, ‘a’o fa’afou ma fa’aleleia ‘au’aunaga ‘o suāvai.  ‘O ia tā’aiga tetele po’o rag monsters, ‘e aofia ai wipes, ‘o pepa ‘e fa’aaogāina ‘e tama’ita’i, lavalava, laupapa, lauulu, pepa solo lima ma ga’o mā ‘e māsani ‘ona poloka ai pamu ‘o suāvai ma paipa ma i’u ai ‘ina pāpā.  ‘E ta’atele lava ‘i taimi ‘e ‘uma ai ni tīmuga mamafa.  Pe ta’i 30 poloka ‘e maua ‘i le māsina ‘e le ‘aufaigāluega ‘a le pūlēgānu’u ‘a Napier ma ‘e tusa ma le 200,000 tālā ‘e fa’aaluina ‘i le tausaga ‘e fa’amamā ‘ese ai. 

‘O le fautuaga ‘a se so’o’upu ‘a le Pūlēgānu’u ‘a Napier ‘i tagata, ‘aua le toe tau’aia wipes po’o pepa ia ‘e tele ‘ina fa’aaogāina ‘e solo ai tamaiti ma nisi lava ‘o otaota ‘e lē mafai ‘ona fa’aalu, ‘i le faleui.  ‘Ona ‘ā o’o ‘ina ogaoga, ‘o le ‘ā tafe atu suāvai leaga ‘i totonu ‘o fale ‘o ‘āiga ma luga ‘o auala tetele, ma fa’aleagaina ai fa’atāfēga ‘o suāvai, ‘e a’afia ai le soifua mālōlōina fa’apea ai ma le si’osi’omaga.  

Link to RNZ (article) translated by Savelina Kasiano: https://www.rnz.co.nz/news/ldr/532457/halloween-fright-in-napier-s-pipes-the-rag-monster-lurking-underneath-city-streets

Ata: LDR/Napier City Council – This rag monster was found in the Napier wastewater system