Maua Lemauga Lydia Sosene ‘i le kānesa ‘o le susu

‘Ua lipotia ‘e le Leitiō Niu SIla ‘i le asō, le fa’amaonia ai ‘o sē tasi ‘o faipule ‘a le Leipa, le afioga Lemauga Lydia Sosene ‘i le kānesa ‘o le susu ma ‘o le ‘ā mālōlō lē tūmau mai le Palemene ‘i le vaiaso fou.’O Sosene na manumalo ‘i le pālota ‘a Māgele ‘i le tausaga talu ai, ‘o le ‘ā faia sona ta’otoga ‘ona mālōlō ai lea, pei ona ta’ua ‘e le so’o’upu ‘a le Leipa.‘O loo lagolagoina mālosi ‘e le ta’ita’i ‘o le Leipa Chris Hipkins ma le vāega fa’a’upufai le faipule, ‘a’o feagai ai ma togafitiga. ‘O Jan Tinetti ‘o le ‘ā ‘avea ma fofoga ‘o le vāega fa’a’upufai mō matā’upu tau lotoifale, ‘e sui tūlaga ‘i matāfaioi ‘a Sosene, ‘ae ‘o le sui lagolago iā Carmel Sepuloni na te filifilia matāfaioi lagolago, ‘e aofia ai tagata Pasefika, ātina’e lautele ma gāluega. ‘O le isi ta’ita’i ‘o le Greens Marama Davidson ‘o lo’o mālōlō mai le Palemene, ‘ina ‘ua fa’amaonia ‘i le kānesa ‘o le susu ‘i le ‘amataga ‘o le tausaga.

Link to RNZ (Article) translated by Anna Fa’asolo: https://www.rnz.co.nz/news/political/527876/labour-mp-lemauga-lydia-sosene-diagnosed-with-breast-cancer

ATA: RNZ