Maua ‘e leoleo pauta ‘o’ona fa’asāina $40 miliona ‘i ‘Aukilani ‘i Saute

‘E silia ma le 130 kilokalama ‘o pauta ‘o’ona fa’asāina ‘o le cocaine, fa’atasi ai ma ni lā’au mālolosi se lua ma ni pulufana na maua ‘i totonu ‘o se pusa ‘oloa.  Na la’u ‘ese ‘e le ‘aufaigāluega ‘i se pisinisi ‘i ‘Aukilani ‘i Saute le pusa ‘oloa ‘i le Aso Lua, ma vala’au ai leoleo ‘ina ‘ua o lātou maua ai ni taga sā masalomia ‘i la lātou va’ai.

Na fa’aalia ‘e Karen Bright, se tasi ‘o leoleo su’esu’e sīnia, ‘e 137 poloka ‘o fuālā’au fa’asāina na maua ‘o le itū’āiga ‘o le Class A, ma ‘e tusa ma le $40 miliona le tupe ‘e maua ai pe ‘ana fa’atauina atu. 

‘O le ‘ā feso’ota’i leoleo ma a lātou pā’aga fa’avāomālō ‘e fa’amālosia le tūlāfono, ma ‘ua o lātou fa’afetaia fo’i le fesoasoani ‘a le ‘Ōfisa ‘o Tiute ‘ia lātou su’esu’ega.  Na saunoa Bright, ‘o le uta lea, na taunu’u mai Nevalani, na afe ‘i Balboa ‘a’o le’i fa’aauau mai ‘i Niu Sila.

Link to RNZ (Article): https://www.rnz.co.nz/news/crime-and-justice/2205368/south-auckland-cocaine-haul-police-discover-40m-worth-of-cocaine

IMAGE/ATA: Supplied/NZ Police