Mata’utia mea na fa’aleagaina ‘e tāfega ma lōloga ‘i le itūmālō ‘o Otago – PM Christopher Luxon

Na fa’aalia ‘e le ali’i Palemia ‘iā Christopher Luxon, ‘e  mata’utia ma ogaoga le tūlaga ‘o mea na fa’aleagaina ma fa’atama’ia ‘i le itūmālō otago, ‘ona ‘o tīmuga mamafa ‘i le vāiaso na te’a nei.  Peitai, ‘e na te le’i silafia na tē’ena ‘e le mālō se talosaga sa tu’uina atu ‘i ai ‘i le tausaga lenei, mō se fesoasoani ‘i le puipuia ‘o fale ‘e maualalo le tūlaga ‘e iai ‘i south dunedin, mai ni lōloga ma ni tāfega mamafa.

Na fa’ailoa lea tūlaga ‘e le palemia ‘i le ‘au tusitala, ‘a’o iai ‘i dunedin ‘i le aso gafua fa’atasi ma le minisitā ‘o pūlega ‘i taimi ‘o fa’alavelave fa’afuase’i, ‘o mark mitchell, sā feiloa’i ai ma sui ‘o pūlega fa’aitūmālō ‘aemaise ‘o ‘āiga ‘e ona fale ma meatōtino ia na āfāna ‘i lōloga ‘i lea itū ‘o le atunu’u.

Na tā’ua ai ‘e le palemia, ‘e matuā ogaoga mafatiaga ‘o ‘āiga ‘e sefulumaletasi ia ‘ua lē mafai ‘ona toe nofoia o lātou fale, ‘ae fa’apea ai fo’i ma le to’atele ‘o le ‘au faifa’ato’aga na mamate ai a lātou lafu manu ma fa’aleagaina o lātou fanua ma fa’atoaga.

‘ae ‘ese ai le tele ‘o ‘auala ma isi meatōtino na fa’aleagaina ai ‘i nei fa’alavelave fa’alenātura.

Sā fesiligia christopher luxon ‘i se talosaga mai le pūlega ‘o le ‘a’ai ‘o dunedin mō se fesoasoani ‘i se vaegātupe ‘e $132-miliona ‘e fa’atau ai fale ‘o tagata ia ‘e maualalo nofoaga ‘e iai ‘i dunedin, ‘ae na tē’ena ‘e le’i talia ‘e le mālō.  Peita’i na fa’aalia ‘e le palemia, ‘e le’i iai se fautuaga āloa’ia na tu’uina atu ‘iā te ia ‘e tusa ‘o lea matā’upu, ‘ae na fa’aalia ’e le ali’i minisitā ‘iā mark mitchell, ‘o le ‘ā ia siakiina lelei le au’ili’iliga ‘o lea matā’upu.

Na fa’aalia ‘e fa’apea ‘o le talosaga lenei ‘a le pūlega ‘o dunedin sā tau’a’aoina atu ‘i le faigāmālō talu ai ‘a o lumana’i ai le faigā pālota tele, ‘e māfua mai ‘i lōloga sā a’afia ai dunedin ‘i le tausaga ‘e 2015.  ‘ae na maua atu le fa’aaliga ‘i le ‘āmataga ‘o le tausaga nei, ‘e fa’apea na tē’ena ‘e le’i taliina lea talosaga.

Sā fa’amamafaina ai ‘e luxon, ‘o le taimi nei, ‘o lea ‘e ave le fa’amuamua ‘a le mālō ‘i mea ia ‘ua tutupu ma a’afia ai tagata, ‘ae lē ‘o mea na tutupu ‘i le 2015.

Link to Otago Daily Times (Article) translated by Lauano Ati Ilaoa: https://www.odt.co.nz/news/dunedin/hospital-protesters-confront-pm-airport

ATA: The Prime Minister has paid tribute to the South’s flood response as part of a visit to Dunedin today to check on the recovery efforts. Otago Daily Times.