Māta’itū supamāketi ‘i le faiga ‘o a lātou tau

‘Ua fa’ailoa le ātugaluga ‘o le fa’alāpotopotoga ‘e mata’itūina po’o puipuia aiā tatau ‘a tagata fa’atau ‘i Niu Sila le Consumer NZ, ‘ona ‘e fōliga mai ‘ua va’ava’ai ‘e tagata fa’atau ni fa’alētonu ‘o iai tau ‘o oloa ma fa’asa’o, ‘ae ‘o le gāluega po’o le tiute lenā ‘a fale’oloa. 

‘E ono faitau miliona tupe ‘a tagata ‘o lo’o gau ‘i tausaga ta’itasi ‘ona ‘o sesē po’o sasi ‘i tau ‘o ‘oloa ‘a supamāketi ‘e tusa ai ma le fa’amatalaga ‘a le Grocery Commission.  ‘O lo’o iai le fuafuaga ‘e fa’amālosi ai kamupanī tetele ia ‘e fa’alauiloa fa’alaua’itele fa’aseā ‘a tagata fa’atau.  ‘O ‘au’aunaga ia ‘o fale’oloa mō fa’atauga ‘o ‘oloa mō le tausiga ‘o ‘āiga, ‘ua autausagā ‘o tau fa’aleleia polokalame ‘e fa’atino ai le faiga ‘o a lātou ‘au’aunaga pei ‘ona saunoa le komesina Pierre van Heerden.  ‘E mana’o ‘i supamaketi ‘ina ‘ia ‘ave fua ‘i tagata fa’atau se ‘oloa pe ‘āfai lātou te līpotia ‘ua ‘ova se tau ‘o se ‘oloa.  ‘O le saunoaga ‘a le fa’auluuluga mō su’esu’ega ‘a le Consumer NZ Gemma Rasmussen, ‘e tatau ‘i le komisi ‘ona māta’itū ma va’ava’ai ni sasi ‘i tau ‘o ‘oloa, mā ‘e ioe ‘ina ‘ia toe saga ūna’ia supamāketi ‘e fa’asa’o ‘e lātou ia sasi.  ‘O le tausaga ‘e 2023, ‘e 600 ni fa’ata’ita’iga ‘o ni sesē ‘i tau ‘o ‘oloa na mafai ‘ona tu’ufa’atasi ma tu’uina atu ‘i le Grocery Commission ma su’esu’euina.  Na saunoa Rasmussen, ‘e popole le Consumer ‘ona ‘o le lē faia ‘e van Heerden ‘o se gāioiga ‘i fa’afītāuli ia ‘e tutupu ‘i fa’alētonu ‘i tau ‘o ‘oloa ‘a supamāketi tetele. 

Link to RNZ (Article) translated by Savelina Kasiano: https://www.rnz.co.nz/news/business/525324/supermarkets-on-notice-overcharge-and-customer-gets-item-for-free-commissioner

ATA: Sāmoa Capital Radio (file).