Masini tala tupe (ATMs) ‘e totogi le $2.50 pe sili atu fo’i, pe ‘ā tala sau tupe

‘Ua molimauina le fa’asolosolo pea ‘ina fa’aitīitia masini tala tupe ‘a faletupe, ‘ona ‘ua faitau selau masini ‘ua tāpunia ‘i le atunu’u ‘i nai tausaga ‘ua tuana’i atu, ‘ae ‘ua sui ‘i ni masini tala tupe ‘a isi ‘au’aunaga fa’atūma’oti ‘e pei ‘o le Next ma le Allpoint.  ‘I fa’amaumauga ‘a le Faletupe Fa’aleoleo na fa’ailoa ai, ‘i le tausaga ‘e 2011, ‘e 2489 masini tala tupe ‘a faletupe peita’i, ‘ua pa’ū ‘i le 1440 ‘i le tausaga talu ai. 

Peita’i, ‘o le tele ‘o faletupe ‘e le’o toe totogiina se tau ‘e tala ai se tīnoitupe ‘i se masini ‘a se isi faletupe peita’i, ‘o masini tala tupe ‘a kamupanī fa’atūmā’oti, ‘e māsani ‘ona totogi ai le $2.50 po’o le $2.80 ‘i taimi ta’itasi ‘e tala ai le tupe.  Na saunoa Ian Woolford, le fa’atonu ‘o tupe ma tīnoitupe ‘i le Faletupe Fa’aleoleo, ‘o gāioiga ‘a faletupe ‘e tāofi ai le toe totogi ‘o ni tau ‘e tagata pe ‘ā fa’aaoga masini tala tupe ‘a isi faletupe, ‘ua fa’aitīitia ai ma le aofa’iga ‘o masini tala tupe.

Na fa’aalia ‘e se so’oupu a le Next, ‘e manana’o faletupe ‘e fa’aitīitia a lātou tupe fa’aalu, ‘o le māfua’aga lea ‘ua liliu atu ai ‘i isi fa’alāpotopotoga ‘e fa’agāioiina masini tala tupe. 

Link to RNZ (Article) translated by Savelina Kasiano: https://www.rnz.co.nz/news/business/536174/the-atms-that-charge-2-point-50-or-more-for-a-withdrawal

ATA: Såmoa Capital Radio (file).