Maoa’e le to’atele ‘e tu’ua Niu Sila

‘E silia ma le to’a 13,000 tagata na tu’ua Niu Sila ‘i le tausaga ‘e o’o mai ‘i le fa’ai’uga ‘o Iuni, ‘a’o si’itia ai pea le fuainūmera ‘o tagata ‘e lēai ni gāluega, tūmau pea le maualuga ‘o pasene tului ‘o tupe, fa’ama’ia le tuputupu a’e ‘o le tamāo’āiga pei ‘ona fa’aalia ‘i fa’amaumauga ‘a le mālō. 

‘O fa’amaumauga na fa’alauiloa ‘e le Ōfisa ‘o fuainūmera fa’amaumauina ‘a Niu Sila ‘i le Aso Lua, na iloa ai, ‘e to’a 131,200 tagata na tu’ua Niu Sila ‘i le tausaga ‘e o’o mai ‘i le fa’ai’uga ‘o Iuni 2024, ‘o se fuainūmera pito sili ‘ona maualuga mō se piliota fa’aletausaga, ma ‘o le tasi ‘o vaetolu ‘o lea aofa’iga, na malaga ‘i ‘Ausetālia.  ‘O le 80,174, ‘o tagata sitiseni, ma ‘ua lata ‘ina fa’aluaina le fuainūmera na va’aia ‘o tu’ua le atunu’u ‘a’o le’i o’o mai le fa’ama’i o le Koviti-19.   ‘O le taimi ‘o le fa’ama’i, na toe fo’i mai ai le to’atele ‘o tagata Niu Sila sā aumau ‘i fafo.  Na fa’aalia ‘e le ‘au fai tōfā ‘o le tamāo’āiga, ‘ua lē fiafia tagata Niu Sila ‘i le tau ‘o le soifuaga, maualuluga pasene tului ma le lē tele ‘o ni avanoa faigaluega, ma ‘ua āga’i ai ‘i ‘Ausetālia, Peretānia ma isi vāega ‘o le lalolagi. 

Link to RNZ (Article) translated by Savelina Kasiano: https://www.rnz.co.nz/news/national/525072/people-leave-new-zealand-in-record-numbers

ATA: RNZ.