Maoa’e le aofa’iga ‘o fale fia fa’atau atu ‘i le sefulu tausaga ‘ua mavae atu nei

‘Ua fa’ailoa mai le si’itia maualuga ‘o le aofa’iga ‘o fale sā fia fa’atau atu ‘i totonu ‘o Niu Sila, ‘i le sefulu tausaga lea ‘ua mavae atu nei.  ‘O le līpoti ma fa’amaumauga ‘a le ‘Upega ‘o Feso’ota’iga ‘o mea tau Fale ‘a Niu Sila, le Realestate.co.nz, sā mātauina ai fo’i le matuā maualuga ‘o le aofa’iga ‘o fale ‘ua lisi ‘e fia fa’atau atu nai lō le tūlaga ‘e māsani ai ‘i le taimi lenei ‘o le tausaga.

‘E 20 pasene ‘ua maualuga ai le aofa’iga ‘o fale ‘ua i luga ‘o le māketi nai le aofa’iga sā iai ‘iā ‘Oketopa ‘o le tausaga ‘ua mavae, ‘o se aofa’iga ‘e tusa ma le 32,000 le aofa’iga ‘o fale ‘o lo’o fia fa’atau atu ‘i le taimi nei.  ‘O lea fuainūmera, ‘o se aofa’iga aupito ‘i maoa’e lea ‘i totonu ‘o le sefulu tausaga, mā ‘o lona uiga ‘ua matuā tele lava fale ‘e filifili ai ‘i lātou ‘o lo’o sa’ili ni o lātou fale motu ‘e fia fa’atau.

‘I le laumua ‘i Uēligitone, ‘e tusa ma le 50 pasene ‘ua si’itia ai le aofa’iga ‘o fale sā fia fa’atau atu ‘iā ‘Oketopa ‘o le tausaga nei, nai lō ‘Oketopa ‘o le 2023, ma ‘ua tele ai fale ‘e filifili ai le ‘au su’e fale ‘i le māketi ‘i Uēligitone.

 Link to RNZ (article) translated by Savelina Kasiano:https://www.rnz.co.nz/news/national/532544/number-of-houses-for-sale-hits-decade-high

Ata: RNZ