Manatu le ta’ita’ifono ‘o le PSC ‘o lo’o lelei le offer mō totogi ‘o faiā’oga ‘o ā’oga lāiti

‘Ua fa’ailoa mai ‘e le Ta’ita’ifono ‘o le Komisi ‘e Pūlea Gāluega ‘a le Mālō, ‘o Sir Brian Roche, ‘o le offer aupito lata mai mō totogi ‘o faiā’oga ‘o ā’oga lāiti po’o primary school teachers, ‘e mālosi ma talafeagai, ma ‘ua āmanaia ai le mau fa’afītāuli ‘e māfua ‘i le taugatā ‘o le soifuaga ‘i le taimi nei.

‘O lenei offer, sā tu’uina atu āloa’ia ‘i le Fa’alāpotopotoga ‘o le Education Institute, po’o le NZEI, ‘i le Aso Faraile na te’a nei, ‘a’o lumana’i ai talanoaga ‘i le vā ‘o itū ‘e lua ‘i le Aso Lua ā tāeao.

‘O le fa’ai’uga ‘o le vāiaso lea na fa’amoemoe ‘e pālota ai sui ‘āuai ‘o le NZEI, pē talia lenei offer fou, pē se’e atu le fa’alāpotopotoga ‘e faia sa lātou tete’e ma tāofia ai a lātou gāluega.

‘Ae na fa’aalia ‘e fa’apea, ‘o le offer fou lenei, ‘ua atagia ai se si’itaga ‘o totogi ‘o faiā’oga, ‘i le vā ‘o le 2.7pasene ma le 4.6 pasene, ‘i totonu ‘o le isi lua tausaga ‘o lumana’i.

‘O le offer sā tu’uina atu muamua ‘e le ‘Ōfisa ‘o Ā’oga ‘i le NZEI, ‘e tasi le pasene ‘e si’itia auaua’i ai totogi ‘i le tausaga mō le isi tolu tausaga ‘o lumana’i, na faia lea offer ‘a le matāgāluega, ‘a’o le’i faia le tete’e ma tāofia gāluega ‘a sui ‘āuai ‘o le fa’alāpotopotoga lenei ‘iā ‘Aukuso.

Link to RNZ (Article) translated: https://www.rnz.co.nz/news/national/572355/public-service-commissioner-sir-brian-roche-insists-pay-offer-to-teachers-fair

ATA: Screenshot (RNZ).