Manatu Andrew Little ‘e tāmo’e mō le tofi Pulenu’u ‘o Ueligitone

‘O lo’o māfaufau lē sā ‘avea ma Ta’ita’i ‘o le Leipa Hon. Andrew Little, ‘e tauvā mō le tofi Pulenu’u ‘o Ueligitone. ‘O Little – ‘o lo’o ‘avea nei ma faufautua mō se ‘ōfisa lōia ‘i Ueligitone mā ‘ua fa’amaōnia mai ‘e le RNZ, ‘o lo’o ia māfaufau ‘e fai se fa’ai’uga pē tāmo’e ‘i le faigā-pālota ‘iā ‘Oketopa, mā ‘o le ‘a maua nisi ana faamatalaga ‘i le lumana’i.

Na ia tu’ua le Pālemene ‘ina ‘ua faiā’ina le Leipa ‘i le pālota ‘i le 2023, mā na fa’atō’ā ulufale ‘i ‘upufai ‘o mālō ‘i le 2011. ‘I le taimi ‘o Little ‘i le Pālemene, ‘e 12 matāfaioi  fa’aminisita na ia ‘ūmiaina, ‘e sili ‘ona faigatā lona tūlaga ‘o le Minisita ‘o le Soifua Mālōlōina ‘i le taimi ‘o le tali atu ‘i le Kōviti 19.

‘E to’aono sui tauvā, ‘e aofia ai ma Tory Whanau, ‘ua māe’a ‘ona fa’ailoa mai ‘e fuafua ‘e tauvā mō le tofi pulenu’u ‘i le faigā pālota ‘iā ‘Oketopa.

‘O le isi to’alima ‘e aofia ai le faipule ‘o lo’o iai ‘i le taimi nei ‘iā Ray Chung, ‘o lē sā ‘avea muamua ma faipule ‘o Rob Goulden, Kelvin Hastie, le ali’i fai pisinisi ‘iā Karl Tiefenbacher, ma Graham Bloxham ‘o le Wellington LIVE.

‘I se manatu fa’aālia ‘o Whanau, ‘e ui na te fa’aaloalogia Little, ‘ona ‘o le taimi sā iai ‘i le Pālemene, peita’i, ‘e nate talitonu ‘o ia lava le tagata sa’o mō le gāluega. Fa’aālia ‘e le Sui Pālemia Vaovasamānaia Winston Peters, ‘e iai lona talitonuga, ‘afai ‘ae fa’amaonia ‘e tāmoe Little ‘i le pālota, ‘e i’u ‘ina manumālō ‘iā Tory Whanau. ‘E sili atu lona lelei, ma ‘e sili atu fo’i ‘i le poto māsani ‘i le tele ‘o matā’upu fa’atemokālasi.

Link to RNZ (Article) translated: https://www.rnz.co.nz/news/political/557532/former-labour-party-leader-andrew-little-considers-run-for-wellington-mayor

ATA: RNZ / Samuel Rillstone