Mana’o le Woolworths ‘e fa’atau le Beak and Johnston Holdings

‘Ua mana’o le kamupanī ‘a le Woolworths ‘e lātou te fa’atauina le kamupanī ‘e igoa ‘o le Beak and Johnston Holdings ‘i totonu ‘o Niu Sila.

‘O lea kamupanī, lātou te gaosia mea’ai ma taumafa ‘ua vela, ‘e aofia ai ‘a’ano ‘o manufasi, ‘ātoa ma supo. Ma isi itū’āiga ‘ese’ese ‘o taumafa.  ‘O lea ‘ua tu’uina atu se talosaga ‘a le Woolworths ‘i le Komisi ‘e pūlea mea tau Pisinisi, le Commerce Commission, mō se fa’atagaga lātou te fa’atau motu ina ai le Beak and Johnston Holdings.

‘Ua 27 tausaga ‘o gālulue va’ava’alua le Woolworths ma le kamupanī lenei, ‘i le vāega ‘e a’afia ai taumafa ‘ua māe’a ‘ona kukaina lelei.

Link to RNZ (Article) translated by Lauano Ilaoa:https://www.rnz.co.nz/news/business/538284/woolworths-has-applied-to-commerce-commission-to-buy-ready-meal-manufacturer