Mālōlō mō sina taimi se faipule Māori ‘ona ‘o se gasegase ‘i fatu ga’o

‘Ua fa’amaonia le ā’afia ‘o le tama’ita’i faipule ‘o Takutai Tarsh Kemp ‘o le Te Pati Māori, ‘i se gasegase ‘o fatu ga’o, mā ‘o le ‘ā mālōlō mai le Palemene mō sina taimi.  Na fa’ailoa ‘e le Vāega Fa’a’upufai ‘i luga ‘o ‘upegatafā’ilagi, sā gasegase le faipule ‘o Tāmaki Makaurau ma fa’agāsolo ai su’esu’ega au’ili’ili ‘i lona soifua mālōlōina.  ‘Ua ‘āmataina nei ona togafitiga. 

‘E ono vāiaso ‘o le ‘ā ‘ave ai ona aso mālōlō.  ‘O Kemp na manumālō ‘i le nofoa fa’apālota ‘o Tāmaki Makaurau, ‘i le faipule ‘a le Labour Peeni Henare ‘i le faigāpālota ‘i le tausaga talu ai.

ATA: Tash Kemp, MP / RNZ.