Mālō le Fale’aiga Sāmoa “TALA” ‘i le fa’ailoga ‘o le Fale’aiga Fou ‘o le Tausaga 2024

‘O le fale’aiga ‘o taumafa Sāmoa, ‘e fa’aigoaina ‘o le TALA ‘i ‘Aukilani, ‘ua manumālō ‘i le fa’ailoga tauāloa, ‘e ta’ua, ‘o le Fale’aiga Fou ‘o le Tausaga, po’o le “New Restaurant of the Year.”

Na fa’ailoa mai ‘e le Fa’alāpotopotoga ‘o lo’o fa’amaopoopoina nei fa’ailoga tauāloa ‘i totonu ‘o Niu Sila, ‘e fa’aigoaina ‘o le Cuisine Good Food Awards, ‘e fa’apea, ‘o le taimi muamua lenei ‘ua maua ai ‘e se fale’aiga Sāmoa lenei fa’ailoga.

Sā tā’ua mai ‘e fa’apea, ‘o le filifiliga ‘a le komiti ‘o fa’amasino sā feagai ma le fa’amoemoe ‘i lenei tausaga, ‘e lā gata ‘ina amana’ia ai le tūlaga lelei ‘o taumafa ‘e maua ai ‘i lenei fale’aiga fou, ‘ae fa’apea ai fo’i ma le fa’atinoina ‘o le ‘au’aunaga mō le atunu’u ‘e asiasi atu iai.

Na fa’aalia mai ‘e le ali’i pule ‘o le TALA, ‘iā Henry Onesemo, ‘o taumafa mōni fa’a-Sāmoa ‘o lo’o ia taumafai ‘ina ‘ia sāga fa’aleleia pea le gāseseina ‘i lona fale’aiga ‘auā le fōfōga taumafa ‘o tagata ‘e asiasi atu iai.

‘O Nōvema ‘o le tausaga talu ai na fa’ato’ā tatalaina ai le fale’aiga lenei ‘o le TALA, ‘i le pitonu’u ‘o Parnell.

Link to RNZ (Article) translated by Lauano Ati Ilaoa: https://www.rnz.co.nz/news/pacific/528570/samoan-inspired-restaurant-wins-aotearoa-food-award

ATA: Henry Onesemo / RNZ / Marika Khabazi.