Maliu Dame Tariana Turia

‘Ua līpotia ‘e le leitiō Niu Sila ‘i le taeao analeilā le maliu ai ‘o Dame Tariana Turia, lea na līpotia ‘i le vāiaso nei le a’afia ai ‘i le stroke. ‘O Dame Tariana ‘o se tasi na ‘avea ma Minisitā ‘i le Palemene ‘a Niu Sila, mā ‘o ia le isi na fa’atūina ma ‘āmataina le Vāega Fa’a’upufai ‘a Māori.

Na fa’aalia ‘i lea tusitusiga, ‘e fa’apea ‘ua 80 tausaga ‘o Dame Tariana, mā na a’afia ‘i le stroke ‘i le ‘āmataga ‘o le vāiaso nei, ma sā le’i tele sona taimi na totoe. ‘E 18 tausaga na tautua ai Turia ‘o se sui ‘o le Vāega Fa’a’upufai ‘a le Labour ‘ona me’i ane lea ma ‘āmataina le Vāega Fa’a’upufai ‘a Māori.  Na ia ūna’iina mālosi le fa’avaega ‘o le Whānau Ora, ‘e fa’apea, ‘o ‘āiga ‘e tatau ‘ona faia fa’ai’uga, toe fa’amālosia ‘i lātou ‘ia o lātou pūleaina le tūlaga ‘o feagai ai ma ‘i lātou. 

Link to RNZ (Article) translated by Anna Fa’asolo: https://www.rnz.co.nz/news/te-manu-korihi/538083/obit-dame-tariana-turia-has-died

ATA: Supplied.