Mafai ona fa’aāogā cards ma telefoni ‘e totogi ai feoā’iga ‘i pasi, nofoa afi ma va’a ‘i ‘Aukilani

‘O le Aso Sā nei ‘o le ‘ā ‘āmata ai ona mafai ona fa’aāogā pepa tala tupe ma telefoni ‘e totogi ai pāsese mō feoā’iga ‘i pasi, nofoaafi ma va’a ‘i ‘Aukilani. ‘E ‘otometi ona totogi le pāsese ‘ātoa mo le tagata matua pe ‘ā fa’aāogā le pepa tala tupe pē totogi ‘i telefoni fe’āvea’i ‘ua iai ‘api ‘e totogi ai fa’atau. ‘O le asō ‘o lo’o fa’amoemoe ‘e faia ai se fa’asilasilaga fa’alaua’itele ‘a le ‘Ōfisa ‘o Fela’uā’iga ‘a ‘Aukilani ‘e fa’atatau ‘i lea suiga fou. ‘O se la’asaga muamua mō le polokalame ‘o le National Ticketing System mō feoa’iga lautele ‘i le atunu’u, lea ‘e fa’amoemoe ‘e ‘āmatalia ‘i Cantebury ‘i le tausaga fou, ma ‘āuai ai ‘Aukilani ‘i le 2026. Fa’aalia ‘e le sui pulenu’u ‘o ‘Aukilani Desley Simpson, ‘o ia sūiga ‘o le ‘ā fa’aaogā ai pepa tala tupe ‘e totogi ai pāsese ‘i feoa’iga lautele, ‘o se suiga lelei ma telē lea mō ‘Aukilani, ma ‘ave’ese ai le isi pā puipui ‘e māfua ai ona fa’atūtū gatā tagata ‘e fa’aāogā feoa’iga lautele. 

Link to 1News (Article) translated by Anna Fa’asolo: https://www.1news.co.nz/2024/11/14/contactless-payments-for-auckland-public-transport-from-sunday/

ATA: Auckland Transport