Lusi tagata fa’atau ‘a kamupanī ‘eletise

‘E māsani ona fautuaina tagata Niu Sila e siaki pē mafai ona lātou maua se tau ‘e sili ona lelei ma pa’ū mai ‘i se isi kamupanī ‘eletise. ‘O ai lā kamupanī ‘o lo’o manumālō, ma ‘o ai o lo’o faia’ina ‘i le tauvaga mō tagata fa’atau?

‘Ua fa’aalia i fa’amaumauga ‘a le Electricity Authority, e fa’apea, ‘o le Genesis Energy na sili ona to’atele tagata fa’atau na ō ‘ese mai ma le ‘au’aunaga i le tausaga e o’o atu iā Iuni, ma e tusa ma le 35,015 le aofa’i o tagata fa’atau na fa’aitiitia ai.

Na ō ‘ese fo’i le 9,059 o tagata fa’atau mai le Nova, 3329 mai le Manawa ma le Mercury e 2,706 tagata na ō ‘ese mai. Peita’i, na maua ‘e le Contact tagata fou ‘e 20,577, maua ‘e le Electric Kiwi tagata fou e 11,590, ma le Meridian e 10,288.

‘A fua i le aofa’i atoa o tagata fou na ‘auai ‘i kamupanī ‘eletise, o le Meridian na sili ona to’atele, ma maua ai le silia ma le 100,000 tagata fa’atau fou i le tausaga e o’o mai iā Iuni. Peita’i, na lusi fo’i e lea kamupani le 93,919 ‘o ana tagata fa’atau e tusa ai ma līpoti.

Link to RNZ (Article): https://www.rnz.co.nz/news/personal-finance/723771/the-power-company-losing-the-most-customers

IMAGE/ATA: Boris Zhitkov (RNZ).