Loka se tama’ita’i ‘ona ‘o fuāla’au fa’asāina na āfīfī ‘o ni meaālofa Kerisimasi ‘i ‘Aukilani

‘E 29 tausaga ‘o se tama’ita’i na tāofia ma lokaina ‘e leoleo ‘ona ‘o lona taumafai ‘e ‘aumai fa’ananā le 10.2 kilokalama ‘o le methamphetamine na āfīfī ‘o ni meaālofa Kerisimasi.  Na tāofi ‘e leoleo lea tama’ita’i Kānata ‘i le malae va’alele fa’avāomālō ‘i ‘Aukilani ‘ina ‘ua taunu’u mai Vancouver ‘i le Aso Sā ma sā fesiligia ai ‘e le ‘Ōfisa ‘o Tiute.  ‘O fuālā’au fa’asāina ia na maua ‘i lea tama’ita’i, ‘e tusa ma le $3.8 miliona ‘e maua ai pe ‘ana fa’atau atu ‘e pei ‘ona fa’ailoa ‘e le ‘Ōfisa ‘o Tiute mā ‘e tusa ma le $10.7 miliona ‘e fa’aaluina mō le fa’atupega ‘o a’afiaga ‘o le soifuaga lautele.

Na tūla’i le tama’ita’i ‘i le Fa’amasinoga Fa’aitūmālō ‘o Manukau, ‘e tali ‘i ona moliaga ‘ona ‘o ia fuālā’au fa’asāina. 

Link to RNZ (Article) translated by Savelina Kasiano: https://www.rnz.co.nz/news/national/536238/woman-arrested-with-10kg-of-meth-wrapped-as-christmas-presents-at-auckland-airport

ATA: Supplied. Customs (RNZ).