Leoina le saogalēmū ‘i le nofoaga fa’atali nofoāafi ‘i Porirua
![Mau Te Rongo Porirua](https://samoacapitalradio.co.nz/wp-content/uploads/2024/07/Mau-Te-Rongo-Porirua-.png)
‘Ua ‘āmataina se polokalame ‘o ni tagata ‘e leoina le saogalēmū ‘i le nofoaga fa’atali nofoāafi ‘i Porirua, ‘ina ‘ua lāgā ni popōlega ‘e fa’atatau ‘i ni vevesi ‘a tupulaga talavou ‘o lo’o tutupu ai. ‘O le asō lea ‘ua toe a’e ai ā’oga mō le isi kuata fou, ‘ae ‘ua ‘āmata ai fo’i le polokalame ‘e āsiasia ma leoina ai le saogalēmū ‘o le nofoaga fa’atali nofoāafi.
‘E to’atolu le ‘aufaigāluega mō le saogalēmū ‘o lo’o aofia ai, le Mau Te Rongo. ‘E iai mai le 7 ‘i le taeao ‘e o’o atu ‘i le ītūlā ‘e 9 fa’apea ai ma le ‘afa ‘o le tolu ‘i le aoauli ‘e o’o atu ‘i le ‘afa ‘o le 5 ‘i le afiafi. Na fa’aalia ‘e le tama’ita’i pulenu’u, Anita Baker, ‘o le ‘ā iai ‘i latou ia ‘o navigators ‘e fesoasoani pe na’o le talatalanoa ‘i tagata. Na tā’ua ‘e Baker, ‘e finagalo ‘ina ‘ia lagona ‘e tagata ‘uma, ‘o lo’o saogalēmū ‘i Porirua.
ATA: Porirua Railway Station’s new safety officers, the Mau Te Rongo navigators. From left: Bronsin Ikurere, Faiona Willie and Reuben Baker. Photo: Supplied/ Screen grab – Porirua City Council