Leai se aogā ‘o isi pauta/vailā’au tā lavalava – maua ‘i su’esu’ega ‘a le Consumer NZ

‘E tolu vailā’au po’o pauta tā lavalava ‘o lo’o fa’atauina ‘i Niu Sila, na maua ‘e leai se aogā pe mamā pe ‘a tāina ai lavalava, pei ‘ona maua ‘i suesuega.

‘E 46 vailā’au fa’amamā lavalava sā fa’ata’ita’i ma su’esu’eina ‘e le Consumer NZ. ‘O le Shotz Laundry Liquid ma le EcoLiving Laundry Detergent Sheets ‘e aofia ai le vailā’au manogi ‘o le lavender, na pa’u maualalo ‘i le 27 mai le 100, le tūlaga ‘o le mamā ai ‘o lavalava, ‘e tutusa lava ma le na’o le tā fua ‘i le na’o le suāvai. 

‘O le tele ‘o ia pauta ma vailā’au ‘o lo’o fa’atauina ‘i le tele ‘o fale’oloa ‘i Niu SIla. ‘O pauta ma vailā’au na pito sili ‘ona lelei ma pito ‘i luga ‘i le fa’atūlagaga mai ‘i su’esu’ega ‘a le Consumer NZ, ‘e iai le ituāiga ‘o le Persil, tūlaga lua iai le pauta ‘o le Persil Clean Powder, ma le Persil 3 in 1 ‘i le lona tolu.

‘O le Ecostore Ultrapower Citrus Fresh ‘o loo ūna’ia mālosi ‘e le Consumer NZ ‘ina ‘ia fa’aaogāina ‘ona ‘o le fa’amaonia ‘o le lelei ma ‘e na’o le 8 sene ‘i le viliga.

Link to RNZ (Article) translated: https://www.rnz.co.nz/life/lifestyle/three-laundry-detergents-no-better-than-water-consumer-nz

ATA: EcoLiving Laundry Detergent Sheets with lavender scent, Re-Stor Laundry Detergent Sheets fresh linen scent, Shotz Laundry Liquid. (Supplied). Consumer NZ