Lēai ni pōnesi ‘o le Kerisimasi mō le ‘au penisiona

‘Ua fa’ailo se lapata’iga mō le ‘au penisiona, ‘e lē maua ni a lātou pōnesi ‘o le Kerisimasi ma ‘aua ne’i se’etia ‘i se taufa’asesē ‘i luga ‘o feso’ota’iga fa’atēkonolosi ‘o pōnesi ‘o le Kerisimasi.  ‘Ua fa’asalalauina solo ‘i luga ‘o ‘upega ‘o feso’ota’iga ni fa’amatalaga ‘e fa’apea ‘o tagata Niu Sila ‘o lo’o maua le Supa, ‘o le ‘ā tasi lava se taimi ‘e maua ai ni a lātou pōnesi ‘o le Kerisimasi. 

‘O le aofa’iga ‘o le tupe pe ‘ā to’atasi, ‘e $350 ‘ae $560 mō se ulugāli’i fa’atasi ai ma se tupe fa’aopoopo ‘e $50 mō tagata ‘i ‘Aukilani, Uēligitone ma Kalaiesetete ma le $40 mō tagata ‘e iai mana’oga fa’apitoa.

‘Ua fa’amaonia ‘e le Matāgāluega ‘o Aga Feso’ota’i, ‘e lē moni lea ofo ma ‘o ‘upega ‘o feso’ota’iga ia ‘e fa’asalalau atu ai ia faiga taufa’asesē, ‘o lo’o taumafai ‘e ao ai fa’amaumauga patino ‘o tagata ta’ito’atasi.

‘A mo’omia ‘e se tagata ni fa’amatalaga fou ‘i lana penefiti po’o le Supa ‘a Niu Sila, ‘ia siaki ‘upegatafā’ilagi ‘a le WINZ po’o le MyMSD.

Link to RNZ (Article) translated: https://www.rnz.co.nz/news/national/581387/no-pensioners-aren-t-getting-a-christmas-bonus

ATA: SCR (file).