Lē toe faia le malaga ‘a le Sounds Air ‘i le vā ‘o Uēligitone ma Wesport

O le fa’ai’uga ‘o le tausaga nei, ‘e fa’amuta ai ‘e lē toe iai se malaga ‘a le kamupanī va’alele ‘o le Sounds Air ‘i le vā ‘o Uēligitone ma le nu’u ‘o Westport, ‘ona ‘o tūlaga fa’alētonu tau ‘ le tamāo’āiga ‘o lo’o fa’avaetu’ia ai lea ‘au’aunaga ‘i le taimi nei.Na fa’ailoa mai ‘e le ali’i pule ‘o le Sounds Air ‘o Andrew Crawford, ‘e talu mai lava le fa’ama’i kōviti-19, ‘e le’i mafai lava ‘ona toe fo’i ‘i se lelei āfāina tau tupe ‘o feagai ma la lātou kamupanī.

‘E lagolagoina ‘e Crawford le manatu ‘o se tasi ‘o kamupanī va’alele laititi ‘o lo’o fa’atinoina ‘au’aunaga āga’i ‘i nu’u ma itūmālō ‘i tua, ‘o le Barrier Air, ‘ina ‘ia iai se fesoasoani mai le mālō mō ia ‘au’aunaga.Sā fa’ailoa mai ai ‘e le Minisitā ‘o le ātīna’e ‘o itūmālō ‘i tua, ‘o Shane Jones, ‘ātonu ‘ua manaomia vave se fa’aputugātupe fa’apitoa ‘e maua ai se fesoasoani mō kamupanī va’alele lāiti nei.Na tā’ua ai ‘e le ali’i minisitā, ‘o le ‘ā ia lagolagoina se taumafaiga ‘ina ‘ia pāsia ‘e le kapeneta le fa’avaeina ‘o se fa’aputugā tupe fa’apitoa mō lea fa’amoemoe.

 Link to RNZ (Article) translated by Lauano Ilaoa: https://www.rnz.co.nz/news/business/531230/fuel-costs-exchange-rate-blamed-as-sounds-air-pulls-plug-on-capital-to-westport-flights

ATA: RNZ Ellen Curnow