Lē taliaina ‘e le falema’i ‘i Bay of Islands ni ma’i fou ona ‘o le lē lava o foma’i

‘O le ‘ā lē mafai ‘e le falemaʻi ‘i Bay of Islands ‘ona taliaina ni gāsegase fou ‘e fa’ao’o atu se’ia aulia le Aso Gafua ‘o le vaiaso fou, ona ‘o le lē lava ‘o fōma’i ‘o le ‘aufaigāluega, ‘e tusa ai ma fa’amatalaga ‘a le falema’i.

’O tagata gasegase fou ‘e sa’ili fesoasoani atu, ‘o le ‘ā fautuaina ‘e ‘ave ‘i isi falema’i. Na fa’aali le lē fiafia ‘o fōma’i ‘i luga ‘o le leitiō Niu Sila, ‘e fa’apea ‘e le’o fa’ate’ia lātou ‘i lea tūlaga, ‘ona sā lapata’ia ‘i lātou ‘e le Health NZ ‘i le lua māsina talu ai, ‘e ono tupu lea fa’afītāuli talu ‘ona fa’aitiitia pāketi ‘a le matāgāluega. ‘E o’o mai ‘i le Aso Lulu, ‘e na’o le lua lava sifi ‘a fōma’i ‘i le Aso Faraile ma le Aso Sā ‘i le falema’i ‘i Kawakawa ma ‘e na’o le to’atasi fo’i mai le to’afā, sā mo’omia ‘i le Aso To’ona’i.

Link to RNZ (Article) translated by Anna Fa’asolo: https://www.rnz.co.nz/news/national/525224/bay-of-islands-hospital-unable-to-take-new-admissions-amid-doctor-shortage

ATA: RNZ / Peter de Graaf.