Lē o’o atu ‘i le fa’amasinoga mātua na mōlia ‘i le lē ā’o’oga ‘o fānau

‘E le’i o’o atu ‘i le fa’amasinoga, mātua ia na mōlia ‘i le lē ā’o’oga ‘o fānau pei ‘ona fa’aalia ‘e le Minisitā Lagolago ‘o Ā’oga, David Seymour.  Na saunoa Seymour ‘i luma ‘o le Komiti Fa’apālemene mō Ā’oga ma Gāluega, ‘e 36 mātua ‘ua talafeagai ‘ona mōlia ma fa’asalaina.

Na ia saunoa, ‘o le fa’amata’u ‘e ala ‘i ‘ave ‘i le fa’amasinoga, ‘ua lava lava lea, ‘ona na toe ‘ave ai ‘e ‘āiga ‘e 18 a lātou fānau ‘i ā’oga ‘ae 17 isi ‘āiga ‘o lo’o fa’agāsolo pea a lātou matā’upu.  ‘E iai se isi ‘āiga ‘ua fa’atūlagaina le aso ‘o le fa’amasinoga peita’i ‘e le’i o’o atu pei ‘ona saunoa Seymour, ma ‘o lea lā ‘ua toe fa’atūlaga le isi aso. 

‘O lo’o fa’asolosolo lava ‘ina fa’aleleia le tō’a’aga ‘o tamaiti ‘i le ā’oga pei ‘ona fa’aalia ‘e Seymour.  Na saunoa le faipule ‘o le Green, Lawrence Xu-Nan, ‘e iai ni ā’oga ‘e le’o fiafia ‘ina ‘ua suia aiāiga ‘o le ō ‘o tamaiti ‘i ā’oga, ‘ona ‘ua fa’atapula’aina ai avanoa ‘e tu’uina atu ai le fa’atagaga ‘i tamaiti ‘e ā’o’oga atu ai ‘i le fale.  Na tali Seymour, ‘e na’o le 180 aso ‘i le tausaga ‘e tatala ai ā’oga, ‘ae 185 aso mō isi polokalame. 

Na tā’ua ‘e le ‘upega tafā’ilagi ‘a le Matāgaluega ‘o Ā’oga ‘e tatau ‘i ā’oga tulaga lua, ‘ona 378 ‘afa-aso ‘o le ā’oga, ‘e tatala ai, ‘ae ‘o ā’oga ‘o kolisi ma ā’oga tu’ufa’atasi (secondary ma composite schools) ‘e tatau ‘ona tatala mo le 376 afa-aso ‘i lenei tausaga.”

Link to RNZ (Article): https://www.rnz.co.nz/news/education/598485/parent-prosecuted-for-truancy-fails-to-show-at-court-hearing

CAPTION: Associate Education Minister David Seymour says attendance is steadily improving.
IMAGE/ATA: Mark Papali’i / RNZ