Lē lelei tauvaga tau ‘o ‘oloa

‘E lē’o lelei lava fa’atauvaga ‘i tau ‘o ‘oloa pei ‘ona fa’aalia ‘e le Komisi ‘e fa’amālosia le tūlāfono ‘o fa’atauvaga ‘i le fefa’ataua’iga ‘i le atunu’u ma ‘ua fautuaina ai le fa’amalosia ‘o ni fa’asalaga. 

‘O le ulua’i līpoti lea fa’aletausaga ‘a le komisi sā va’ava’ai ai ‘i le faiga ‘o tauvaga ‘a fale’oloa ‘i le tau ‘o ‘oloa talu ‘ona tōfia ‘e ‘avea ma le Grocery Commissioner, Pierre van Heerden ‘i le 2023.  Na tā’ua ‘e le komesina, ‘o le lipoti lenei, ‘ua fa’aata mai ai se tulaga ‘e tatau ‘ona popole iai, ‘i fa’atinoga ‘a ‘au’aunaga ‘o faleoloa ia ‘o lo’o aofia ai le 25 piliona tālā.  ‘O lo’o tumau pea le maualuluga ‘o polōfiti, ‘ua si’itia fo’i tupe fa’aopoopo ‘e maua mai le fa’atauga ‘o ni ‘oloa nai lō tupe na fa’aaluina ‘i le tilīvaga ‘o ‘oloa, mā ‘o lo’o tūmau fo’i le ao ‘o le fua ‘a supamaketi ‘a le Foodstuffs ma le Woolworths pei ‘ona saunoa le komesina.  ‘O lona mana’oga, ‘ia fa’ateleina tauvaga ‘i tau ‘o ‘oloa ma fa’atāolaola pea ‘ona una’ina mālosi supamāketi tetele ‘ina ‘ia fa’atino ma fa’agaoi ni fuafuaga lelei mō tagata fa’atau. 

Na tā’ua fo’i ‘e le komseina, ‘ua tāpena le Komisi ‘e fa’amālosia le tūlāfono ‘o fefa’ataua’iga talafeagai, mō nisi fuafuaga ‘e sili atu ‘ona mālosi ‘e fa’aleleia ai tauvaga ‘i tau ‘o ‘oloa mā ‘o le ‘ā fa’aaogā fo’i lo lātou mālosi’aga ‘e fa’atino ai ni suiga, ma va’ava’ai foi ‘i nisi mālosi’aga fa’aopoopo pe ‘ā mana’omia.  Sa va’ava’ai ‘e fa’aaogā aiāiga ‘e mafai ai ‘ona fa’asalaina kamupanī ‘i ni sala tupe ‘e o’o atu ‘i le $10 miliona pe ‘ā solia le tūlāfono, ma matuā fa’aaogā le tūlāfono ‘o Fefa’ataua’iga Talafeagai.

Link to RNZ (Article) translated by Savelina Kasiano: https://www.rnz.co.nz/news/national/526985/stiff-penalties-proposed-for-supermarkets-as-commerce-commission-finds-no-improvement

ATA: RNZ / Cole Eastham-Farrelly, Simon Rogers.