Lē fiafia tuā’oi ‘i le tatū’uga ‘o lā’au ‘i tafatafa ‘o le Kolisi ‘a le Wellington Girls

‘Ua fa’aalia ‘e ‘āiga tuā’oi ‘i le Kolisi ‘a le Wellington Girls, ‘o le tatū’uga ‘o lā’au lea ‘e pā ai le malae ‘a le ā’oga, ‘o se gāioiga ‘ua fai tele si maoa’e, ‘ona ‘e fai ‘o le pa’ō, ‘ae alu atu ai ma le pefu mai gāluega ‘o lo’o fa’aauau pea ‘ona fa’agāsolo.

Peita’i, na fa’aalia ‘e le puleā’oga, ‘o le tiute lea ‘o le ā’oga, ‘o le fa’aleleia tūmau ‘o le lotoā, ma ‘ua pei lava le ā’oga ‘o se paka ‘a tagata ia ‘e nonofo latalata atu.  ‘E tele lava ni gāluega na ‘āmata ‘i le lotoā, ‘ina ‘ua iloa ‘i le māsina ‘o ‘Aperila ‘i le tausaga talu ai, ‘e lamatia le faleā’oga pito telē ‘a le kolisi ‘i mafui’e. 

Sā logoina ‘e le Matāgāluega ‘o Ā’oga tagata ‘o lo’o nonofo latalata ane, ‘o le ‘ā iai ni ‘aufaigāluega ‘i le Kolisi ‘e ‘āmata ‘ona tātu’u ‘i lalo lā’au. 

‘O le tala ‘a se tasi ‘o tuā’oi, na tuai ‘ona taunu’u atu le tusi ‘a le matāgāluega ‘e maua ai se avanoa mō ni fa’atalanoaga ma ‘e lē tele fo’i ni fa’amatalaga na fa’ailoa atu, ‘i le ‘umi ‘o le gāluega.  ‘O le tala ‘a le puleā’oga, ‘e lēai se mea ‘o le ‘ā faia ai fua ni fa’atalanoaga ‘ona ‘o lo lātou ‘ele’ele lea ‘e iai lā’au peita’i, ‘e 6 ‘i le valu vāiaso lea ‘e fōliga fa’agāioi ai le gāluega.

Link to RNZ (Article) translated by Savelina Kasiano: https://www.rnz.co.nz/news/national/538939/residents-fume-over-tree-felling-at-wellington-girls-college-fears-of-damaging-the-street-s-character

ATA: Bill Hickman.