Lata ‘i le 80 le aofa’i ‘o matā’upu tau fa’asesē ‘i mea tau tupe ‘i le māsina ‘e tasi – Komesina ‘o Sulufa’iga

‘E lata ‘i le 80 le aofa’i ‘o matā’upu ‘e aofia ai le taufa’asesē ma le taufa’avalea ‘i mea tau tupe, sā tu’uina atu ‘i le ‘Ofisa ‘o le Komesina ‘o Faletupe, po’o le Banking Obudsman, ‘i totonu ‘o le tausaga ‘ua mavae atu nei.

‘O se lipoti mai le ‘Ofisa ‘o le Komesina ‘o Sulufa’iga mō Faletupe, na tā’ua ai, ‘o le 22 pasene ‘o tagi ma talosaga sā tu’uina atu iai, ‘i le tausaga na te’a nei, ‘e a’afia ai tagata ‘ua afāina ma leiloa ā lātou tupe, ‘ona ‘o faiga taufa’asesē ma le taufa’avalea, po’o scams.

‘E aupito tele matā’upu ‘e a’afia ai faiga taufa’avalea ‘e maua ai fa’amatalaga ‘i luga ‘o feso’ota’iga televavave, soso’o atu ai ma fefa’ataua’iga po’o le fa’atauina ‘o ‘oloa online po’o luga ‘o feso’ota’iga televavave.

Na fa’ailoa mai ‘e le tama’ita’i Komesina ‘o Sulufaiga mō Faletupe ‘o Nicola Sladden, ‘o le fua fa’atatau ‘o tupe ‘a tagata na afāina ‘i lenei tausaga ‘ona ‘o matā’upu fa’apenei na o’o ‘i le  $80,000 afe talā, ‘o se si’itaga lea ‘e sili atu ‘i le $20,000 afe talā pe ‘a fa’atusa ‘i le tausaga ‘ua mavae.

Link to RNZ (Article) translated by Lauano Ati Ilaoa: https://www.rnz.co.nz/news/business/528713/nearly-80-fraud-and-scam-cases-reported-to-banking-watchdog-every-month-report-shows

ATA: RNZ.