Lata ‘i le 40 gāluega ‘o le ‘ā vāea mai le NZME

‘Ua iai le fuafuaga ‘a le NZME lea ‘e ana le NZ Herald, ‘e fa’amālōlō ai gāluega ‘e 38 ‘a’o toe fa’atūlaga ai ana gāluega fou. 

Na vala’auina se fono ‘i le taeao analeilā ma fa’ailoa atu ai ‘i le ‘aufaigāluega fuafuaga ‘a le NZME ‘e aofia ai le NZ Herald, BusinessDesk ma le Newstalk ZB.  ‘Ua iai fo’i le fuafuaga ‘e fa’alauiloa ma fa’aitīitia ni tala fou, ‘ae māta’itū tala ‘e mafai ‘ona feso’ota’i ai ma tagata fa’alogologo.  ‘O le ‘ā toe ātili ‘inivesi ‘i ata (videos).

‘O gāluega ia ‘o le ‘ā vāea, ‘ua tā’ua ‘o le ‘ā aofia ai avanoa ‘e 14 ‘o ē ‘e faia līpoti ma avanoa ‘e 24 ‘o ē ‘e tāpenaina tala fou.  ‘E lua ni avanoa faigāluega ‘a le Newstalk ZB ‘o le ‘ā lē toe iai nisi ‘e suitūlaga atu ‘i ai.

‘Ua ‘ātoa le māsina talu ‘ona fa’amaonia ‘e le NZME, ‘e fa’apea ‘o le ‘ā tāpunia ni nusipepa ‘e 14, mā ‘o le ‘ā a’afia ai gāluega ‘e tusa ma le 30.  ‘E to’a 300 le aofa’iga ‘o tusitala ‘o lo’o gālulue ‘i le Herald, BusinessDesk ma le Newstalk ZB.

Link to RNZ (Article) translated by Savelina Kasiano: https://www.rnz.co.nz/news/national/539606/nearly-40-jobs-to-go-at-nzme

ATA:RNZ/ Brad White