Lata ‘i le 4 tausaga ua si’itia ai le nūmera ‘o tagata ‘e lēai ni gāluega

‘Ua si’itia atu ‘i le 4.8 pasene mai le 4.6 pasene sā iai, le nūmera ‘o tagata ‘e lēai ni gāluega ‘i totonu ‘o māsina ‘e tolu ‘e o’o mai ‘i le fa’ai’uga ‘o Sētema.  ‘O lo’o si’itia pea le nūmera ‘o tagata ‘ua tu’ua gāluega.  ‘E maualalo atu nai lō tūlaga sā valo’iaina ‘e le māketi tau tupe ma ‘ua lata ‘i le 4 tausaga ‘o maualuga pea ia fuainūmera. 

‘Ua ātili si’itia le nūmera ‘o tagata ‘e lēai ni gāluega ‘ona ‘ua faaitiitia le mana’oga mō ni tagata faigāluega ma si’itia le nūmera ‘o tagata mai fafo ‘e fa’atumuina avanoa faigāluega ‘i le atunu’u ia sā mo’omiaina nisi ‘e fa’atinoina ‘i nai taimi ‘ua tuana’i atu. ‘E 145,700 tagata sā iai gāluega, ‘ua lē faigāluega.  ‘E 3.8 pasene le si’itaga ‘o totogi ‘i le tausaga pei ‘ona fa’aalia ‘i fa’amaumauga ‘a le ‘Ōfisa ‘o Fuainūmera Fa’amaumauina ‘a Niu Sila. 

Link to RNZ (Article) translated by Savelina Kasiano: https://www.rnz.co.nz/news/business/532990/unemployment-rises-to-near-four-year-high

ATA: RNZ