Lapata’iina le Foodstuffs ‘i le Motu ‘i Mātū ‘ona ‘e fōliga mai ‘ua sōlia le ta’iala ‘o le fa’atauga ‘o ‘oloa

‘Ua lipotia le tu’uina atu ‘o le lapata’iga ‘i le Foodstuffs ‘i le Motu ‘i Mātū, ‘ona ‘o a lātou gāioiga na faia ‘i le vā ma se kamupanī ‘e fa’atauina mai ai ‘e le Foodstuffs ni ‘oloa, talu ai, ‘e fōliga mai ‘ua solia ma lē mulimulita’ia le Tūlāfono ‘o le Grocery Industry Competition Act 2023.

Na fa’aalia ‘e le Kōmisi ‘e mata’itūina po’o mulimulita’ia ‘e pisinisi ta’iala ‘i le vā ma tagata fa’atau, le Commerce Commission, ‘e iai lo lātou talitonuga, ‘e fōliga mai ‘ua solia ‘e le Foodstuffs North Island le Ta’iala mō le fa’atauga ‘o ‘oloa ‘i le vā ma se kamupani, ‘ona ‘e tatau ‘ona faia ‘i taimi ‘uma ‘i le agaga lelei.   Na tali le kamupanī ‘i le lapata’iga ‘a le komisi, ‘e ala ‘i lo lātou fa’apea mai, sa le’i tu’umāmāina ona tiute ‘i le vā ma tagata po’o kamupanī ‘o lo’o sapalaiina atu ‘oloa. 

Na saunoa le Komesina Pierre van Heerden, ‘e fōliga mai na fa’atuai ‘e le Foodstuffs Northl Island se talosaga ‘a le kamupani lea ‘e sapalaiina atu ana ‘oloa ‘e ala ‘i le fa’atino ‘o ni ‘auala ‘e lē talafeagai.  ‘O lona atugaluga, ‘ua fa’aauau ai ni āmioga fa’apea na iai lava ‘i ia ‘au’aunaga ‘i le fia sefulu tausaga ‘ua tuana’i.

Link to 1News (Article) translated: https://www.1news.co.nz/2025/07/02/foodstuffs-north-island-warned-for-likely-breach-of-supply-code/

ATA: 1News.