Lapata’iga mō tagata malaga ‘i nofoaafi ‘i Ueligitone taeao

‘I le taimi nei, ‘ua fa’ailoa mai le ono afāina ‘o femālaga’iga ‘o nofoaafi ‘i totonu ‘o le laumua ‘i Ueligitone ‘i le Aso Lua ‘a taeao, ‘ona ‘o se fuafuaga ‘a le ‘aufaigāluega ‘e galulue fa’atatau ‘i le tūlafono, a’o lumana’i ai talanoaga aloā’ia ‘e tusa ‘o lātou totogi.

‘Ua fa’ailoa mai ‘e le kamupāni ‘o le Metlink, ‘ua pāsia ‘e le ‘aufaigāluega le fa’amālosia ‘o tagata ‘uma ‘e fa’amamalu o lātou taimi mālōlō, ma ‘o le ‘a le ‘ovataimi fo’i se tāsi pe talia se fesuia’iga ‘o a lātou sifi ‘i le aso ‘a taeao.

Sā fa’ailoa mai la ‘e Samantha Gain ‘o le kamupāni ‘a le Metlink, ‘e tatau ‘i pāsese ma tagata ‘e māsani ‘ona fa’aaogāina le ‘au’aunaga ‘a nofoaafi, ‘ona faia nisi fuafuaga, ‘ona ‘e ono tāofia ma lē o’o nisi ‘o malaga fa’atūlagaina.

Na ia taua, ‘e lē faigōfie ‘ona iloa ‘i le taimi nei, pe ‘o a malaga ‘o le ‘a tāofia ma afāina a’o tūla’i mai lenei fa’afitāuli.

Link to RNZ (Article) translated by Lauano Ati Ilaoa: https://www.rnz.co.nz/news/national/528074/delays-cancellations-possible-for-wellington-train-passengers-on-tuesday

ATA: RNZ