Lapata’iga mō Niu Sila ‘a’o āfāina ai le puipuiga ‘o ‘upegatafā’igali ‘i le lalolagi

Na fa’aalia ‘e le Nofoaga ‘Autū ‘a Niu Sila mō le Puipuiga ‘o Feso’ota’iga Fa’atēkonolosi, ‘ua lātou nofo silafia ‘i le tūlaga fa’amata’uina ‘o le puipuiga ‘o ‘upegatafā’ilagi, lea na ala ai ‘ona tapē ma tāpunia ‘upegatafā’ilagi ‘a faigāmālō ‘i le lalolagi.  Na tāpunia ‘upegatafā’ilagi ‘i ‘Europa  ma isi atunu’u ‘i le Aso Tofi taimi Niu Sila, ‘ina ‘ua fa’ailoa mai ni fa’alētonu matuiā ‘i se programming language po’o se faiga āloa’ia ‘e iai tūlāfono ma fa’atonuga ‘e fa’aaogā ‘e tagata ‘e tūsia ai ta’iala fa’akomepiuta (software code), ‘ina ‘ia mafai ‘e se komepiuta ‘ona faitau, mālamalama ma fa’atino ia fa’atonuga.

Na līpotia ‘e le Reuters, ‘ina ‘ua ālia’e mai ia fa’amatalaga, na fa’anatinati ai ‘i lātou ‘e fa’atautaia polokalame ma faiga fa’akomepiuta ‘i le lalolagi ‘ātoa, ‘ina ‘ia vave faia ni puipuiga mō ā lātou polokalame ma faiga fa’atēkonolosi.

Na vave ‘ona fa’alauiloa ‘e tagata ‘o lo’o tāpenaina le PHP programming language ‘i le Aso Tofi, ni faiga fou ‘e tali atu ai ‘i ia faiga fa’amata’u, sā lē gāoiā lava le ō ‘i totonu ‘o ia  polokalame fa’akomipiuta ‘i nai tausaga ‘ua tuana’i atu, se’ia o’o  lava ‘ina maua, ‘o lātou fa’aaogāina le  poto fa’afōliga ‘o masini fa’akomipiuta po’o le AI, ma sā fautuaina mālosi ai tagata ‘e fa’aaogāina ia polokalame ‘ina ‘ia vave ‘ona toe sui. 

‘Ae na tā’ua ‘e nisi kamupanī mō le tēkonolosi, ‘ua leva ‘ona osofa’i ‘e isi ia polokalame ‘ona ‘o avanoa ia na le’i lelei ‘ona faia ‘i ai le puipuiga.  ‘Ua ūna’ina ‘e le NCS fa’alāpotopotoga ‘a Niu Sila ‘ina ‘ia fa’atino ia fautuaga ‘i se taimi vave ma fa’aleleia pe fa’aaogā ‘ia faiga fou. 

Link to RNZ (Article): https://www.rnz.co.nz/news/world/2093094/millions-of-hacking-attempts-as-companies-governments-rush-to-patch-php-flaws

IMAGE/ATA: SCR (file).