Lapata’iga mō faiga taufa’avalea 

by | Jan 9, 2025 | Niu Sila

‘Ua ala ‘ona fa’ailoa ‘e Doreen ma lona to’alua le taufa’asesē na āfāina ai, ‘ina ‘ia lapata’iina ai isi tagata. 

‘E lē tele ni tupe na gau ‘a le ulugāli’i ‘i ni taufa’asesē ‘o tupe ‘inivesi ‘i nai tausaga ‘ua mavae atu.  Peita’i, na telē a le fa’afītāuli ‘ina ‘ua fa’ailoa atu ‘e se tagata, ‘e mafai ‘ona fesoasoani ‘e toe su’e mai a lā tupe ‘ua gau ma isi fa’amanuiaga.

‘O ‘Oketopa ‘o le tausaga talu ai, na o lā maua ai se telefoni mai se tama’ita’i ‘e fa’apea na te iloa lelei le isi taufa’avalea ma sā mafai ‘ona sao mai ai ‘iā Me 2023.  Na tā’ua ‘e le tinā, na fia iloa, po’o ā mea ‘e iloa ‘e le tama’ita’i na telefoni atu, ‘e uiga ‘i le taufa’avalea, ‘ae le’i leva lava, ‘ae toe vili atu se isi taule’ale’a, ‘e iai se tagata ‘o lo’o taumafai ‘e ‘ave’ese ni tupe mai lana teugātupe ‘i lona igoa.

Na ‘inivesi le $4000 peita’i na fai ane le taule’ale’a, ‘e iai fo’i le isi inivesi po’o teugātupe ‘e $66,000 ‘ae lē mafai ‘ona papa’i ‘i ai le ‘au taufa’asesē ‘ona ‘e le’o iā ‘i lātou ona fa’amaumauga. 

Na o’o lava ‘i le $100,000 le tupe na gau ‘a le ulugāli’i ‘i taufa’asesē na faia ‘e ia tagata.  Na fa’aalia ‘e le pule sili ‘o le Netsafe, ‘e ta’atele fo’i gāioiga ia ‘o le toe fa’asesēina ātili mai ni taufa’asesē muamua mā ‘e iai lava tūlaga sā tatau ‘ona mate’ia ai ‘e Doreen le taufa’asesē ‘ua a’afia ai.

Na tā’ua ‘e le tinā sa ia līpotia ‘i le ‘ōfisa ‘o leoleo peita’i na tu’u ane fa’amatalaga ‘e nofo uta ma taumamao ‘ese mai ai ‘i faiga taufa’avalea ‘i le lumana’i.

Link to RNZ (Article) translated by Savelina Kasiano:https://www.rnz.co.nz/news/business/538501/i-m-angry-woman-warns-about-revictimization-investment-scam

Ata: RNZ / Rebekah Parsons-King