Lapata’iga lanu mūmū ‘o savili mālolosi mō Uēligitone, Canterbury, Kalaiesetete ma Wairarapa south of Carterton

‘O lo’o iai pea a’ai ‘o Uēligitone, Kalaiesetete, Wairarapa, Canterbury ma Marlborough ‘i le mōlī lanu mūmū, mō matagi mālolosi. Mō Marlborough, ‘o lo’o iai lapata’iga ‘o savili mālolosi mai le 6 ‘i le tāeao ‘o le asō āga’i le 4 ‘i le afiafi. Ma ‘o lo’o vālo’ia ‘e o’o atu ‘i le 140km/hr le mālolosi ‘o savili.

Na fa’asilasila ‘e le pūlēgānu’u ‘a Uēligitone ‘o le ‘ā tapunia ‘uma fale ‘o ‘au’aunaga ‘a le council ‘i le asō. Tāpunia fo’i le pā manu po’o le zoo ‘i Uēligitone, ma le Begonia ‘i le Botanic Garden. ‘O lo’o tāpunia fo’i le Zealandia ‘i Karori. ‘O lo’o tapunia fo’i le Iunivesetē ‘o Vītōria ‘i le asō, ma ‘ua tolopō su’ega na fuafuaina. ‘O lo’o tāofia uma malaga ‘a nofoaafi āga’i atu i Uēligitone mai le 8 ‘i le tāeao nei se’ia pā’ia le 6 ‘i le afiafi.

‘I totonu ‘o lea taimi ‘o le ‘ā suia ‘e pasi faigāmalaga ‘a nofoaafi mai le Hutt Valley ma Kāpiti. ‘O auaunaga nofoaafi mai Kāpiti, Hutt Valley, Melling ma Johnsonville e muta ‘i Uēligitone ae le’i tāina le 8am ‘i le tāeao nei, ma ‘o le ‘ā fa’aauau faigāmalaga ‘a nofoaafi pe ‘ā te’a le 6 ‘i le afiafi a nānei. ‘O lo’o tapu fireworks po’o mea fa’apāpā ‘i Uēligitone ‘ātoa se’ia pā’ia le Aso Gafua. ‘E fa’ataunu’uina pea le tete’e tele ‘i le asō, vaganā ai isi solo tete’e ua tāofia ona ‘o le lē saogālēmū.

Link to RNZ (Article) translated: https://www.rnz.co.nz/news/national/576588/weather-live-wind-warnings-upgraded-to-red-fire-destroys-kaikoura-homes

ATA: MetService screenshot (RNZ).