Lamatia fale ‘o ‘āiga fa’apea ma se caravan park ‘i West Meton ‘i le afi ‘o le togāvao

‘E iai fale ‘o ‘āiga fa’apea ma se nofoaga ‘e paka ai karaveni na ‘ave’esea mai ai tagata ‘i le pō ‘o le Aso Sā, ‘i le pitonu’u ‘e igoa ‘o West Melton ‘i le itūmālō Canterbury, ‘ona ‘ua lamatia ‘i se mū ‘o le togāvao ‘i le taimi na mālolosi ai matagi ‘i lea vāega ‘o le atunu’u ‘i lea lava pō.  ‘Ua fa’ailoa mai ‘e le ‘Ōfisa ‘o Mū ma Fa’alavelave Fa’afuase’i, ‘e 12 le aofa’iga ‘o ta’avale fuimū ma loli vai ‘aemaise ‘o isi ‘au’aunaga fesoasoani sā  gālulue ai ‘i le tau tineia ‘o lenei mū tele ‘o le togāvao na ‘āmata mai po’o le ītūlā ‘e 9 ‘i le pō ‘o le Aso Sā.

‘E tusa ma le 50 le aofa’iga ‘o fale ‘o ‘āiga ‘e i lea vāega sā fa’atonuina ‘e tu’ua o lātou fale ‘ona ‘o puipuiga ‘o le saogalēmū.  Sā fa’aaogāina fo’i va’alele helicopter ‘e la’u atu ai le suāvai mō gāluega ‘o le tau togafitia ‘o lenei mū.

Link to RNZ (Article) translated by Lauano Ati Ilaoa:https://www.rnz.co.nz/news/national/536049/live-firefighters-will-be-working-overnight-on-two-canterbury-fires

ATA: Supplied to RNZ/ Canterbury Fire and Emergency