Faigatā ‘ona maua pia ma ‘ava mālosi ‘i ‘Aukilani

Na ‘āmata ‘i le aso 9 Tēsema 2024, ‘ona fa’afaigatā ‘ona fa’atau le pia ma le ‘ava mālosi ‘i totonu ‘o ‘Aukilani, ‘ona ‘o se suiga ‘o Tūlāfono ‘a le pūlega po’o le Council, lea ‘ua fa’asā ai ‘ona toe fa’atau ‘i tua se pia po’o se ‘ava mālosi ‘i le te’a ‘o le ītūlā ‘e 9.00 ‘i le po.  ‘O fale’oloa, ma fale’ava mālosi, ‘ae fa’apea ma supamāketi ‘o lo’o a’afia ‘uma ‘i lea suiga ‘o le Tūlāfono ‘a ‘Aukilani.

‘O lenei suiga ‘e pei ‘ona fa’ailoa mai ‘e le pūlega ‘o le ‘a’ai tele ‘o ‘Aukilani, ‘o lo’o fa’amoemoe ‘e tau fa’aitīitia ai a’afiaga ma fa’afītāuli ‘e māfua mai ‘i le pia ma le ‘ava mālosi.

Link to RNZ (Article) translated by Lauano Ati Ilaoa:https://www.rnz.co.nz/news/business/536052/auckland-alcohol-restrictions-new-rules-come-into-force

ATA: SCR