Lagolagoina pea ‘e le Pālemia Erica Stanford

‘O lo’o talitonuina pea ma iai le fa’atuatuaga ‘o le ali’i palemia ‘iā Christopher Luxon, ‘i le tama’ita’i Minisitā ‘o Ā’oga, ‘o Erica Standford, ‘e ui ‘ina laulauvavale ma ia faia ni lafoga mamafa fa’asaga ‘i le sui faipule ‘o le Labour ‘o Jan Tinetti, ‘i le vāiaso na te’a nei.  ‘O le Aso Tofi lea na faia ai se fa’amauālaloga āloa’ia ‘a le minisitā lenei ‘i totonu ‘o le Palemene ‘i le tama’ita’i faipule na a’afia. 

Sā fesiligia ‘e le ‘au tusitala le palemia ‘i lenei matā’upu, ma ia tā’ua ai, ‘e lē’o se tūlaga lelei lenei matā’upu, mā ‘o se amioga lē talafeagai na faia ‘e le minisitā.  Peita’i na tā’ua ‘e Luxon, ‘o se minisitā lelei ma fa’amoemoeina Erica Standford, mā ‘o lo’o ia fa’atuatuaina pea ‘o ia ‘i le fa’atinoina ‘o ona tiute.  Na fa’aalia fo’i ‘e le palemia, na vave ‘ona iloa ‘e le minisitā ‘e lē talafeagai ana lafoga na faia ma fa’ato’ese ai ‘e lē gata ‘i le tama’ita’i faipule ‘o le Labour, ‘ae fa’apea ai ‘i le Palemene, ma ia ‘o le ta’ita’i ‘o le faigāmālō.

Link to RNZ (Article) translated by Lauano Ati Ilaoa: https://www.rnz.co.nz/news/political/534533/got-my-support-christopher-luxon-stands-by-erica-stanford-after-stupid-bitch-comment

ATA: National’s Erica Stanford and Labour’s Jan Tinetti. Photo: RNZ