Lagolagoina ‘e Bloomfield fa’aulūuluga ‘o le Soifua Mālōlōina ‘ona ‘o le tūlāfono ‘o le ulaula tapa’a

‘O lo’o lagolagoina mālosi ‘e Sir Ashley Bloomfield, isi fai tōfā ‘o le soifua mālōlōina ‘o lo’o lu’iina le mālō, ‘i le toe soloia ‘o le Tūlāfono na faia ‘e le Leipa, ‘e fa’aitīitia ai le ulaula tapa’a ‘i Niu Sila. ‘I ‘īmeli na fa’alauiloa ‘e le Te Whatu Ora, na fa’ailoa ai le to’atele ‘o tagata māualuluga, ma le ‘au fai tōfā ‘o le soifua mālōlōina ‘i totonu ‘o le mālō, sa popole ‘i lea fa’ai’uga na faia ‘e le faigāmālō so’ofa’atasi.

‘O Dr Nick Chamberlain, ‘o le Fa’atonu Sili mō le soifua mālōlōina lautele ‘a Niu Sila, ma ‘e na’o le pule sili ‘o le matāgāluega, Fepulea’i Marjie ‘Apa, ‘e tu’uina ‘i ai ana līpoti. Na fa’aalia ‘e Bloomfield, ‘e faigatā ‘i le ‘au fai tōfā ‘o le soifua mālōlōina ‘o lo’o ‘i le mālō, ‘ona faia ni fa’ai’uga, ‘e lē ō gatasi ma mana’oga ma pōlisi ‘ua fa’ata’atitia mai ‘e le faigāmālō.

ATA: Auckland University.