‘Ioe le Kiwibank ‘i ona mōliaga

Na ‘ioe le faletupe ‘a le Kiwibank ‘i mōliaga ‘o lona solia ‘o le Tūlāfono ‘o Fefa’ataua’iga Talafeagai.  ‘O le māsina talu ai, na fa’asilasila ai ‘e le Komisi ‘e va’ava’ai po’o fa’amalieina aiā tatau ‘a tagata fa’atau, ni mōliaga ‘e 21 ‘o le Kiwibank ‘ona ‘o ni sasi, na totogi sesē ai ‘e le silia ma le to’a 36,000 ‘o tagata le 7 miliona tālā ‘o ni tau ‘o ‘au’aunaga’ ‘a le faletupe. 

Na toe lipoti lava e’ le Kiwibank ia lava ‘i le komisi, ma fa’ato’ese ‘i tagata ma toe ‘āmata ai ‘ona toe fa’afo’i a lātou tupe.  ‘O mōliaga sā fa’atatau ‘i ni tau ‘e totogi (fees) mauāluluga ma pasene tului ‘o nonōgātupe ‘o fale, credit cards po’o pepa tala tupe fa’a’aitālafu fa’apea ai ma overdrafts talu mai le tausaga ‘e 2019.  ‘O le ‘ōgātotonu ‘o ‘Oketopa ‘e lauina ai le fa’asalaga ‘o le faletupe.

ATA: RNZ.