Iloilo pe toe fa’atino aiāiga fou mō le fa’atūlagaga ‘o le fa’amāfanafanaga ‘o fale

‘Ua finagalo le Minisitā mō le Fauga ‘o Fale ma Gāluega Fau Fale, Chris Penk, ‘ina ‘ia toe ‘āmata fa’atūlagaga ma aiāiga mō le fa’amāfanafanaga ‘o fale, ‘e mafai ‘ona fa’asaoina ai le tusa ma le 40 pasene ‘o le fa’amāfanafanaga ‘o se fale fou.  ‘O tu’utu’uga sa si’itia ai le fa’amāfanafanaga ‘o fale (insulation and glazing) ‘i le māsina ‘o Me 2023, ‘o ni tūlaga tetele muamua ia sā fa’aleleia ma si’itia ai le tūlaga ‘e tatau ‘ona fa’amāfanafana ai fale ‘i Niu Sila, ‘i le silia ma le sefulu tausaga. 

‘I ni fetālia’iga na fa’amatu’u atu ‘i le Leitiō Niu Sila ‘i lalo ‘o le tūlāfono, ‘o lo’o tā’ua ai, sā talanoa atu ni faitōfā ‘a le mālō ‘i le minisitā, ‘e fa’apea ‘o fa’atūlagaga tuai, sā matuā mauālalo lava nai lō isi atunu’u ‘e tutusa tau ma Niu Sila, ‘e aofia ai ni vāega ‘o ‘Ausetālia, Peretānia, ‘Aialani ma le Iūnaite Setete.  Sa ō lātou ta’u atu fo’i ‘iā Penk, sa matuā tele lava le lagolago ‘a le atunu’u ma kamupanī fau fale, ‘ina ‘ua folasia ia suiga, ma sā fa’aitīitia ai fo’i ‘e o’o atu ‘i le 40 pasene, le fa’amāfanafanaga ‘o ni fale fou ‘e ta’i 4 potu moe.  Sa fa’aalia, na lafo atu ‘e Penk ni pepa ‘o fa’amatalaga ‘i le Leitiō Niu Sila, mā ‘o lo’o tā’ua ai, sā ia talanoa ai ‘i le Matāgāluega mō le Fa’afotuga ‘o Ma’ema’e Fou ma Gāluega (MBIE), ‘ina ‘ia su’esu’eina vave le tau ‘o ia suiga.

ATA: Insulation / RNZ.