Iai popōlega ‘e pisi ‘auala pe ‘ā tāpuni le ‘auala ‘o le Transmission Gully

by | Oct 23, 2024 | Niu Sila

‘Ua fa’aleo le popōlega ‘o nisi ‘i le pisi ‘o ‘auala pe ‘ā tāpuni le feso’ota’iga ‘o ‘auala ‘i Porirua ma le Transmission Gully. ‘O le ‘ā ‘āmata se gāluega tele ‘a le Pūlēgānu’u ‘o Porirua, ‘o le kamupanī mō ‘eletise le Wellington Electricity, fa’alāpotopotoga mō le suāvai ‘o le Wellington Water ma le Kāinga Ora, ‘e fa’aleleia ai le ‘auala ‘i Waitangirua ma le ‘auala ‘o lo’o feso’ota’i ma tuā’oi ma Whitby, Te Ara Kāpehu, mai le Aso 4 Nōvema.  ‘O ‘auala ia ‘e feso’ota’i ai pitonu’u ‘o Waitangirua ma Whitby ‘āga’i ‘i le State Highway 1. 

Na tā’ua ‘e le Pūlēgānu’u, ‘o le ‘ā tāpunia le ‘auala ‘e o’o atu ‘i le ‘umi ‘e 5 māsina, ‘ae fai gāluega ‘e fa’aleleia ai se tūlaga mautū ‘o le ‘eletise ma si’itia ai le lelei ‘o ‘au’aunaga mō le suāvai mō vāega ia ‘i le itū ‘i sasa’e ‘o Porirua, lea ‘ua molimauina le vave fa’aopoopoina pea ‘o le faitau aofa’i ‘o ona tagata. 

Link to RNZ (Article) translated by Savelina Kasiano: https://www.rnz.co.nz/news/national/531555/residents-fear-transmission-gully-link-road-closure-will-add-to-commute

Ata: RNZ Krystal GibbensThe Waitangirua link road to Transmission Gully is set to close up to five months.