Gaoia pusa mea’ai mai se ‘au’aunaga ‘e agalelei mō tagata lēai ni taumafa ‘i ‘Aukilani.

‘O lo’o talosagaina ‘e le food bank ‘i Glen Innes ‘i ‘Aukilani se fesoasoani, ‘e toe fa’atumu ai kāpoti ‘o taumafa, ‘ina ‘ua gaoia le tele ‘o taumafa. ‘Ua 20 tausaga ‘o fa’atautaia le ‘au’aunaga, ma ‘e le’o se taimi muamua lea ‘ua gaoia ai ‘oloa ma taumafa, pei ‘ona fa’aalia ‘e le pule sili Ian Furlong.

‘O le fa’amoemoega ‘o le ‘au’aunaga, ‘o le fesoasoani lea ‘i tagata ‘o le ‘a’ai, ‘o lo’o feagai ma lu’itau ‘i vāega tau tupe, ‘e fōa’i fua mai ‘e tagata limafōa’i ma fa’alāpotopotoga, le tele ‘o ‘oloa ma taumafa, ma teuina ‘i le food bank ‘auā ‘i lātou ‘e sulufa’i atu mō se fesoasoani.‘E tusa ma le 30 pusa mea’ai ‘e tufa ‘e le ‘au’aunaga ‘i le vāiaso ‘e tasi. Na fa’aleagaina le fale ma ‘ave pusa mea’ai, ‘i le pō anapō.

ATA: RNZ