Fuafuaga Mamao ‘a Uēligitone: Fa’amuamua fa’atupega ‘o pasi, ‘auala ‘o uila vili vae le isi polōketi ‘e ‘ave’esea pe toe sui

‘Ua finagalo le pulenu’u ‘o Uēligitone, Tory Whanau, ‘e fa’aali atu ‘i le mālō, ‘e lēai ma se mea ‘e atugalu ai, ‘ina ‘ua māe’a ‘ona faia le pālota ‘a le pūlēgānu’u ‘i le toe teuteuga ‘o la lātou fuafuaga alualu mamao.  ‘E ono ītūlā na fa’agāsolo ai le fonotaga ‘a le pūlēgānu’u ‘i le Aso Lua, ma sā fai si vevela ‘o fa’afīnauga ma fa’atalanoaga ‘i le vā ‘o sui ‘o le pūlēgānu’u, ‘i le taumafaiga ‘e fa’asao a lātou polōketi tāua.  Na fa’ataunu’uina le fono, ‘ona ‘o le māsina talu ai, na pālota ai sui ‘o le pūlēgānu’u, ‘e lē fa’atauina atu siea e 34 pasene ‘a le pūlēgānu’u ‘e ‘i le malae va’alele ‘a Uēligitone.  ‘O se vāega ‘o le fuafuaga alualu mamao ‘a le pūlēgānu’u lea na pāsia ‘iā Iuni, lona uiga, ‘e tatau ‘ona toe teuteu. 

‘O ia suiga, na māfua ai ‘ona filifilia ‘e le Minisitā ‘o Faigāmālō Lāiti, Simeon Brown, ‘ia Lindsay McKenzie, ‘e mata’itūina taualumaga ‘a le pūlēgānu’u.  Na pāsia ‘e le Pūlēgānu’u le silia ma le 20 ‘o teuteuga ‘i le pepa na folasia ‘e le ‘aufaigāluega, lea sa fa’ailogaina ai le 558 miliona tālā, ‘o tupe fa’asao ‘e ala ‘i le toe suiga ma le ‘ave’esega ‘o nisi ‘o polōketi.  ‘O se tasi ‘o polōketi ‘ua toe sui ‘e aofia ai le Golden Mile ‘e 113 miliona tālā, ‘o se tasi ‘o polōketi sā ‘i lalo ‘o le polokalame ‘o le Let’s Get Wellington Moving lea na fa’atupeina se isi ona vāega ‘e le NZTA.

Link to RNZ (Article) translated by Savelina Kasiano: https://www.rnz.co.nz/news/national/534890/wellington-long-term-plan-bus-priority-funding-cycleways-among-projects-axed-or-rescoped

ATA: Wellington mayor Tory Whanau told councillors: “We’ve got this.” Photo: RNZ / Samuel Rillstone