Fuafua Whangarei ‘e fai se gāluega ‘i tupulaga ‘e lēai ni laisene ‘aveta’avale

‘E to’atele tagata ‘e ulufale ‘i falepuipui, ‘a‘o iai ma ni a lātou solitūlāfono ‘o le ‘aveta’avale ‘ae lēai ni laisene, ‘ae ‘ua naunau se fa’amasinoga fou, ‘e fa’amuta lea tū ma aga, ‘e ala ‘i le ‘ave‘ese ‘o ‘aveta’avae ‘e lēai ni laisene mai fa’amasinoga ‘ae ‘ave āga’i ‘i se faiga ‘e sili atu ‘ona talafeagai mō o lātou lumana’i. 

‘O le taimi muamua lea ‘ua faia ai se fuafuaga fa’apea, le Te Ao Mārama ma ‘ua sāuni le Fa’amasinoga mo ‘aveta’avale talavou ‘e āmata ‘i Whangarei ‘i le vāiaso fou, le faia ‘o se gāluega ‘i tupulaga solitūlāfono ‘e lēai ni laisene, ‘e i le vā ‘o le ta’i 18 ma le ta’i 25 tausaga le mātutua.  ‘O le polokalame lea ‘o lo’o fa’ata’ita’i ‘ina ‘ia fa’amautinoa ‘e fa’atino se polokalame ‘e fa’amasinoga ‘e sili atu ‘ona talafeagai ma va’ava’ai ‘i māfua’aga ‘o solitūlāfono ‘ona ‘o le ‘aveta’avale.  Na ta’i ‘e Porirua le ala ‘i le fa’atuga po’o le ‘āmataga ‘o se Young Adult List, na ‘āmata ‘ona ‘o taumafaiga ‘a se tasi na ‘avea ma fa’amasino ‘i Fa’amasinoga ‘o Tupulaga Talavou, John Walker.  Na talosaga fa’amasino Greg Davis, ma ‘ua sāuni ai nei Northland ‘e ‘āmata fa’ata’ita’i sana polokalame mai lea lava faiga fou.  Na fa’aalia ‘e Fa’amasino Gene Tomlinson, sa iai tagata solitūlāfono ‘e o’o atu lava ‘i le ta’i 50 tausaga le mātutua na ia faia o lātou fa’amasinoga, na fa’aluasefulu ‘ona fa’asalaina, ‘ae na matuā ‘oli’oli ‘ina ‘ua maua o lātou laisene, ma ‘e laitiiti ifo le avanoa ‘e toe sala ai ‘ona ‘ua lātou iloa le tāua ‘o taumafaiga ‘ina ‘ia maua o lātou laisene.

Link to RNZ (Article) translated by Savelina Kasiano: https://www.rnz.co.nz/news/national/525492/whangarei-s-new-court-tackles-unlicensed-driving-among-young-adults

ATA: Sāmoa Capital Radio (file).