Fuafua le Warehouse ‘e tāpuni le lālā ‘i le ‘ōgātotonu ‘o le taulaga

‘Ua fa’amaonia ‘e le Warehouse, ana fuafuaga ‘e tāpunia ai la lātou fale’oloa ‘i le ‘ōgātotonu ‘o le taulaga ‘i Uēligitone ‘ona ‘e atagia mai, ‘e lē toe fa’afouina la lātou lisi.  Na ‘āmata ‘ona tatalaina ma fa’agalueā’ina lea lālā ‘a le Warehouse ‘i Tory Street talu mai le 1994.  ‘E lata ‘i le tausaga ‘o tāpunia, ‘ona ‘o se mū na a’afia ai ‘iā ‘Aperila 2023, ma sā mo’omia ai le toe fa’afou ‘o le fale.

‘E māe’a le lisi ‘i le aso 30 Iuni 2025.  Ma sā fa’ailoa atu ‘e le landlord, ‘o le ‘ā lēai se talanoaga ‘e toe fa’afou le lisi ‘ona ‘ua iai ni a lātou fuafuaga fou mō lea ‘ele’ele.  Na fa’aalia ‘e Shane Nalder ‘o le pūlega ‘a le Warehouse, ‘e faigatā tele le sā’iliga ‘o ni nofoaga ‘e mo’omiaina mo la lātou kamupanī ‘i lea vāega ‘o le ‘ōgātotonu ‘o Uēligitone, mā ‘e le’o se tali lea na o lātou naunau ‘i ai.  ‘O lo’o fa’aauau pea le ‘au’aunaga, mā ‘o le aso mulimuli ‘e tatala ai mō fa’atauga, ‘o le aso 31 Me 2025 pei ‘ona līpotia ai ‘e le Leitiō Niu Sila.

Link to RNZ (Article) translated by Savelina Kasiano: https://www.rnz.co.nz/news/business/539659/absolutely-gutted-warehouse-plans-to-close-wellington-central-city-store

ATA: Supplied.