Fuafua le Ea Niu Sila ‘e fa’atūina se ā’oga ‘inisinia va’alele ‘i Kerikeri i Northland

‘Ua fuafua le ‘Ea Niu Sila ‘e fa’atūina se ā’oga ‘inisinia va’alele ‘i Kerikeri i Northland, pei ona saunoa le faipule o Northland iā Grant McCallum. ‘O lo’o faia fa’atalanoaga ‘a le kamupani va’alele ma ā’oga fa’apea iwi, pē fetaui le fa’atūina o se ā’oga.

Saunoa Grant, ‘e ono fa’atūina lea ā’oga lata ‘i le malaeva’alele ‘i bay of Islands. ‘O le vaiaso talu ai na fa’asilasila ai e le mālō le tu’uina atu o le $34.7mīliona tālā ‘e sui mai ai le tūlaga o le NorthTec mai i Raumanga ‘i Whangarei Knowledge Education and Arts Hub. ‘O le tausaga talu ai na tāpunia ai le fale tele mō ā’oa’oga ‘i Paihia i Northland i le māe’a ai o le sefulu tausaga ‘o tatala mō ā’oa’oga.

ATA: SCR (file).