Fuafua fesoasoani mō tamaiti ‘e feagai ma fa’afītāuli ‘o le lē pasi ‘o le NCEA

Na fa’alauiloa ‘e le Minisitā ‘o Ā’oga Erica Stanford, ‘ua iai se fuafuaga ‘i le lumana’i, ‘e fesoasoani ai ‘i tamaiti ‘o lo’o feagai ma fa’afītāuli ‘o le lē pasi ‘o le NCEA mō le nūmera, faitau tusi ma su’ega mō le tusitusi.

Na fa’ailoa ‘e Stanford, ‘o le ‘ā faia ‘e le mālō ni suiga ‘i le NCEA level 1 lea na faia ni teuteuga talu ai nei –  $100 miliona ‘i le tausaga ‘ua fa’amatu’u mō le polokalame ‘o le Kahui Ako, lea ‘e gālulue fa’atasi ai ā’oga ‘e talanoaina fōfō ‘o fa’afītāuli ta’atele. Na fa’ailoa ‘e le peresetene ‘o le iuni ‘a le PPTA Chris Abercombie, ‘e tusa ma le 80 pasene ‘o faiā’oga ‘e le’o fiafia ‘i mea faigāluega ma le lagolago ‘o lo’o ‘iai ‘i le taimi nei, mō tamaiti ā’oga e lē pasi su’ega. ‘O le ‘amataga ‘o le kuata fou ‘o le ‘ā fa’alauiloa ai ‘e le Matāgāluega ni ta’iala fou mō fānau ‘e fesoasoani ai ‘ina ‘ia pasi su’ega ‘o le NCEA.

Link to RNZ (Article) translated by Anna Fa’asolo: https://www.rnz.co.nz/news/national/529573/help-on-the-way-for-students-struggling-to-pass-new-ncea-tests-minister

ATA: Education Minister Erica Stanford. RNZ / Angus Dreaver